നടനും സംവിധായകനുമായ ഇ എ രാജേന്ദ്രൻ അന്തരിച്ചു

സിനിമാ നടനും, സംവിധായകനും നാടക നടനുമായിരുന്ന ഇ എ രാജേന്ദ്രൻ അന്തരിച്ചു. കൊല്ലത്തെ വസതിയിലായിരുന്നു അന്ത്യം. അസുഖബാധിതനായി ചികിത്സയിലായിരുന്നു. കളിയാട്ടം, പട്ടാഭിഷേകം, തച്ചിലേടത്ത് ചുണ്ടൻ, നരസിംഹം, മീശ മാധവൻ തുടങ്ങി നിരവധി സിനിമകളിൽ അഭിനയിച്ചു. ക്യാരക്ടർ റോളും, വില്ലൻ റോളും ഒരുപോലെ വഴങ്ങുന്ന നടനായിരുന്നു. അറുപതോളം ചലച്ചിത്രങ്ങളിലെ ശ്രദ്ധേയമായ വേഷങ്ങൾക്ക് പുറമെ ടെലിവിഷൻ പരമ്പരകളിലെ പ്രധാന വേഷങ്ങളും കൈകാര്യം ചെയ്തിട്ടുണ്ട്. സംസ്ഥാന ഹോർട്ടി കൾച്ചർ കോർപറേഷൻ ചെയര്മാൻ ആയും ഇദ്ദേഹം പ്രവർത്തിച്ചിട്ടുണ്ട്