ന്യൂമാൻ കോളേജിൽ ജില്ലയിലെ ആദ്യ സാമ്പത്തിക ശാസ്ത്ര ഗവേഷണ കേന്ദ്രം.

തൊടുപുഴ : ഇടുക്കി ജില്ലയിലെ ഉന്നത വിദ്യാഭ്യാസ മേഖലയിൽ പുതിയ നാഴിക കല്ലായി ന്യൂമാൻ കോളേജിലെ സാമ്പത്തിക ശാസ്ത്ര വിഭാഗത്തിൽ ഗവേഷണ കേന്ദ്രം പ്രവർത്തനം ആരംഭിച്ചു. എം ജി സർവകലാശാലയുടെ അംഗീകാരത്തോടെയുള്ള ജില്ലയിലെ ആദ്യ സാമ്പത്തിക ശാസ്ത്ര ഗവേഷണ കേന്ദ്രമാണിത്. കേന്ദ്രത്തിന്റെ ഉദ്ഘാടനം എം ജി സർവകലാശാല വൈസ് ചാൻസലർ പ്രൊഫ. ഡോ. സി ടി അരവിന്ദകുമാർ നിർവഹിച്ചു. അക്കാഡമിക് രംഗത്തെ മികച്ച സംവാദങ്ങൾക്കും ഉന്നത തല ഗവേഷണങ്ങൾക്കും വേദിയൊരുക്കുക എന്ന ലക്ഷ്യത്തോടെയാണ് ഈ കേന്ദ്രം സ്ഥാപിച്ചിരിക്കുന്നത്.